North East Veteran badminton-ah Mizoram pakhatna

Yonex Sunrise 8th North East Veteran Badminton Tournament-ah Mizoram chu a pumpuiah pakhatna an ni. Mizo shuttler-ten medal vaw chhuak hnem berin, gold medal pali an la a, silver medal pahnih leh bronze medal pakhat an lo hawn bawk.

May 10-12 inkara neih inelnaah hian Mizoram Police BC player pahnih Lalmuanawma leh Samuel Lalnunmawia te an langsar a, shuttler ṭha pahnih hi category pahnihah ve ve an champion.

DTRP Indoor Stadium, Nehru Sports Complex Stadium, Ulubari, Guwahati-a neih inelna hi Assam Seniors Badminton Club buatsaih a ni a, kum 35 chunglam tan niin, hmarchhak state hrang hrang aṭangin shuttler tawnhriat nei ṭha rual an fuankhawm - he inelnaah hian lawmman atan cheng nuai 4.20 lai sem ral a ni.