Medjedovic hnehin Medvedev a tlang

Italian Open mipa champion lai Daniil Medvedev chuan a nomawi humhim a tum ruh hle - Thawhṭan zan inkhelah Russian tlangval hian Hamad Medjedovic chu 7-6 (7/5), 2-6, 7-5 a hnehin last 16 a inhlangkai.

Seeded pahnihna Medvedev hian season kal laiah nomawi a la chawi lo, atan chuan kum bul a ṭan ṭhat tawk loh siamṭhat theihna remchang tak tur a ni ang, chutihrualin clay court hi atan hmun ṭha tak erawh a ni ngai meuh lo.

Inkhel dangah seeded palina Andrey Rublev chuan Alexandre Muller chu 3-6, 6-3, 6-2 in a hneh. Monte Carlo champion Stefanos Tsitsipas pawhin a khingpui Cameron Norrie chu 6-2, 7-6 (7/1) in a hneh ve bawk.