Ligue 1 player ṭha ber Mbappe

Kylian Mbappe chu France's Player of The Year Award hlan a ni. Ligue 1 player zinga a ṭha ber atan hian a zawnin season nga chhung thlan a ni a, tun season an hman laiah Paris Saint Germain tan inelna hrang hrangah goal 44 a khungsak tawh a ni.

Kum 25 mi Mbappe chuan, "Ligue 1 hi ka tana hmun pawimawh changtu a ni kumkhua tawh ang, a chhan chu league dang engmah ka la tem loh bakah ka bul ṭanna leh tun dinhmun ka thlen theih chhan hi a ni bawk.

"Kan ram league hi ka ngai dawn a, ka nuna bet tlat a nih avangin kalsan pawh ka harsat ang," a ti a, tun season tawp ruala a contract tawp tur pawhsei a tum tawh lo, a hun hnuhnung a ni zel tawh.

France captain hian PSG tana a match khelh tur erawh a la khel zo lo. Ligue 1 match hnuhnung ber leh French Cup final a la hmabak. May 25 hian Lyon nen French Cup title an inchuh ang.