Ruahsur vangin Gujarat an tla

Thawhṭanni zan IPL inkhel tur chu ruahsur vangin ball khat pawh an vawm hman lo a, Gujarat Titans leh Kolkata Knight Riders ten point khat ve ve an insem. Knockout stage lut tura chak mamawh Gujarat tan ruah hi 'malsawm ruah' a ni lo a, point hnih hmuh theih aṭanga point khat chauh an hmuh avangin beisei tur an an nei tawh lo.

Gujarat Titans hma hian Mumbai Indians leh Punjab Kings te an tla tawh a, Kolkata Knight Riders chauhin knockout stage an la lut. Hmunruak pathum la awm hi Rajasthan Royals, Chennai Super Kings, Sunrisers Hyderabad, Royal Challengers Bengaluru, Delhi Capitals leh Lucknow Super Giants ten an inchuh a, inelna a la nung hle.

Zanin dar 7:30 hian Rajasthan Royals-in table mawngphaha awm Punjab Kings an hmachhawn dawn a, Royals hi an chak a nih chuan match hnuhnung bera KKR nena an inkhel tur chu pakhatna dinhmun hauhtu tur zawnna a ni thei ang.