Real Betis-ah Poyet

Sunderland leh Brighton boss hlui Gus Poyet chuan season thar aṭangin Spanish La Liga club Real Betis a enkawl dawn a, Poyet hian manager lailawk Juan Merino a thlak dawn a, kum hnih chhung atan inremna hi siam a ni.

Kum 47 a upa Poyet hian thla hmasa khan Greek club AEK Athens a chhuahsan a, Championship club Nottingham Forest zawm tura sawi ni mah se Betis lam a pan dawn ta zawk.

Uruguay coach Poyet hian 2014 khan Sunderland chu Premier League-ah a lo inhamtan pui tawh a, a season lehah erawh result a neih
ṭhat theih loh avangin an ban thung. Black Cats hi match 75 a enkawl aṭangin ṭum 23 hnehna a chanpui a ni.

Real Betis chuan thuchhuah siamin, "Kan club hmasawn theihna tur a nih beiseiin Uruguayan coach Gustavo Poyet chu kum hnih chhung atan kan coach a ni dawn. Real Betis chuan min lo kaihraui lailawktu Juan Merino leh a thawhpuite chungah lawmthu a sawi bawk," tiin an sawi.