Milan dah sangtu Ibrahimovic

Season tawp rual hian Zlatan Ibrahimovic-a'n Paris St. Germain-a a contract neih chu a tawp tawh dawn a, a kum tam deuh tawh mah se Ibrahimovic hi Europe-a club lian zingah lakluh duhtu an la tam nia sawi a ni.

Kartawp khan Sweden international hian Ligue 1 Player of the Year chawi-mawina a dawng a, he chawi-mawina dawng tur hian a player pui ten tun hnai kum li chhunga an vawi thum thlan chhuahna a ni nghe nghe.

Kum 34-a upa Ibrahi-movic chuan, "Ka hma hun hi ka kutah a awm lo a, tuna ka duh ber chu inkhelh tam theihna tur hmun a ni. Eng nge lo thleng dawn chu kan hre thuai ang," tiin a sawi.

Barcelona, Inter Milan leh Juventus tan te pawha lo khel tawh striker chuan, "Ka inkhelh tawhna zingah chuan AC Milan kha a la ropui ber a, kha hmun chhuahsan kha ka duh ngai lo. Milan ka chhuahsan kha chu thawnthu hlui a ni tawh a, tunah chuan hma hun kan sawi tawh zawk," tiin Italian club a dah sang hle.

Ibrahimovic hian tun season French Ligue 1 match 29 a khelh tawh aṭangin goal 35 a khung tawh a, ani bakah hian Laurent Blanc chu Coach of the Year atan thlan niin Rennes forward Ousmane Dembele-a'n Young Player chawi-mawi-na a dawng bawk a, Goalkeeper of the Year chu Marseille keeper Steven Mandanda a ni thung.