Punjab lakah Bangalore an vannei

11th May, 2016

Thawhṭanni zan Indian Premier League inkhelah Royal Challengers Banga-lore an vannei tak-zet a, an mikhualna ramah mual-neitu Kings XI Punjab chu run khatin an hneh!

Punjab Cricket Asso^-ciation Stadium, Mo-hali-a inkhelah bat hmasa zawk Bangalore-in over 20 chhungin run 175 an siam a, mi paruk chiah an hloh. RCB tan Virat Kohli che ṭha lo mah se Lokesh Rahul (42 runs) leh AB de Villiers (64 runs)-te an chet ṭhat avangin Bangalore hian target pangngai tak an siam theih phah.

Mualneitu team tan run 89 siamtu Murali Vijay khel ṭha viau mah se an captain hi Kings XI batsman dang ten an pui ṭha tawk lo a, over 20-ah run 174 siama mi pali chiah hlohin a tlawm zawkah an ṭang ta a ni.

Zanin Indian Premier League-ah inkhel pakhat chiah a awm dawn a, zan dar 8:00 hian Royal Challengers Bangalore leh Mumbai Indians an inkhel ang.