Ka enkawlna hnuah City-in hma an sawn - Pellegrini

Khawvela club ropui berte zinga mi Real Madrid pawh lo enkawl tawhtu Manuel Pellegrini chuan a enkawlna hnuaiah Manchester City chuan hma an sawn thu a sawi.

Kumin February thla tir khan Man City hian season tharah chuan Pep Guardiola kaihhrauina hnuaia an awm tawh tur thu an puang a, he thu hi kum 62-a upa Pellegrini tan chuan thu ngaihnawm lo ber a ni hial ang.

Chilean manager Pellegrini hian Man City hi kum thum a enkawl chhungin Premier Legue-ah vawi khat a champion pui bakah League Cup-ah vawi hnih a champion pui hman a, an club chanchina a vawi khat nan Champions League semifinal a hruai thleng hial.

Etihad Stadium-a hun a hman china a hnathawh chungchang sawiin Pellegrini chuan, "He hmuna ka awm aṭang khan kan khelh dan kalphungah hmasawnna hmuh tur a awm a, chu chuan Champions League-ah pawh nghawng a nei tawh, kan inkhelh dan kalphung en hian hmasawnna hmuh tur a tam hlein ka hria," tiin a sawi.