Iceland squad-ah Gudjohnsen

Premier League a Chelsea champion pui tawhtu Eidur Gudjohnsen chu kum 37 laia upa ni tawh mah se Euro 2016 khel turin Iceland squad-ah telh a la ni.

Iceland co-manager Lars Lagerback chuan Gudjohnsen-a'n January thleng club a nei lo a nih chuan Euro khel tura koh a nih loh tur thu a lo sawi tawh.

Mahse, Champions League leh La Liga-a Bar-celona lo champion pui tawh bawk Gudjohn-sen hian nikum November thla thleng khan Chinese Super League club Shijia-zhuang Ever Bright tan a khel a, kumin February thleng kha Norwegian club Molde tan a khel leh bawk.

Iceland tana match 84 khel tawh Gudjohnsen hian kum 2013 November khan World Cup playoff-a Croatia an hneh loh hnu-in ram tana inkhelh a chawlhsan zui a, mahse kum 2015 March thla khan koh nawn leh niin Euro 2016 qualifying pawh kha match 10 khelin goal khat a khung ve nghe nghe.

Lagerback nena Ice-land enkawltu Heimir Hal-lgrimsson chuan, "Molde tan ṭha takin a khel thei a, ram tan khel thei turin a ṭha tawk," tiin a sawi.