Olympic dahsangtu Sindhu

Indian shuttler PV Sindhu chuan Badminton World Championship-a pa-khatna nih ai chuan Olympic gold medal lak theih a chak zawk thu a sawi.

Hyderabad nula Sin-dhu hian Guang-zhou, China (2013) leh Copenhagen, Den-mark (2014) world championship-ah te khan India tan bronze medal a lo la tawh a, August 5-21 chhunga neih tur Rio Olympic-ah hian Saina Nehwal nen hmeichhe single khel tur niin India beiseina an ni mek.

Kum 20-a upa Sindhu chuan, "Infiammi zawng zawg chuan Olympic medal lak hi an chak vekin ka ring, kei pawhin world championship ai chuan he infiamna kutpui liana hlawhtlin hi ka chak. Ka thlen chin tur chu la hre lo mah ila a vawi khat nana Olympic-a ka inlan ve tur hi ka lawm hle," tiin a sawi.

An inbuatsaih nasat thu sawi chhunzawmin, "Court chhungah leh pawnah pawh inbuat-saihna kan nei ngawrh hle a, kan taksa bakah kan rilru a inpeih a ṭul avangin chawlh kan nei meuh lo," tiin an thawhrim thu a sawi tel bawk.