Chak mamawh Chanmari W vs TNT

Zanin dar 8:00 hian Dengṭhuama Indoor Sta-dium, Mualpuiah Zothan Auto Works Pro-Volleyball khelh chhunzawm a ni dawn. An match hmasa zawka hnehna chang zo lo Chanmari West Volleyball Club leh TNT an inhmachhawn ang.

Second division aṭang Pro-Volleyball khel tura in beng tling Chanmari West hian an match hmasaah ṭha takin khel mah se Anastasia Volleyball Club lakah game hnuhnung berah an vanduai. TNT erawhin beisei an phak rih lo a, Hunthar Volleyball Club lakah straight set-in an chak lo thung.

Tualchhung player ṭha bakah Chanmari West hian Meitei player, ARC tan pawha lo khel tawh Cha Chauba an kawl a, Assam aṭangin Mrinmay Talukdar an la nei cheuh bawk. TNT erawhin an player hmanthiam sa Lalchhantluanga Sai-lo, Lalrinzuala leh Lal-densanga te chu an in-nghah-na tur a ni ang.