Serena chak nghal

World number 1 Serena Williams chuan clay court season a hmang
ṭan ve ta a, Thawhlehni zan khan Anna Lena Friedsam chu 6-4, 6-3 a hnehin Italian Open second round a paltlang.

Grand Slam vawi 21 champion tawh Serena hian tun hnaiah beisei a phak lo hle a, a khelh ṭhat tawk loh bakah hliam vangin a buai ve fo. Kar hmasa pawh khan damlohna vangin Ma-drid Open aṭangin a inhnukdawk a, nikum August thlaa Cincinnati-a a champion hnuah nomawi a la chawi leh lo a ni.

Serena hian Australian Open final-ah Angelique Kerber a hneh lo a, Indian Wells-ah Victoria Azarenka hneh lo bawkin Miami Open-ah khan Svetlana Kuznetsova a hneh lo bawk.

Rome champion vawi thum lo ni tawh Serena chuan, "Clay hi inkhelh nuam ka tihna hmun a ni a, tun ṭumah pawh khan ka khel ṭha thawkhat chuan ka hria. Inkhel awlsam tak ni lo mah se nuam ti takin ka che vel thei a ni," tiin a sawi.

French Open ṭan nan ni 12 chiah a awm tawh a, Serena hian a nomawi humhim tur chuan Rome-ah hian a khelh ṭhat a hun tawh hle a ni.