Vawiinah AFC chhuak dawn

Aizawl FC chuan vawiin hian Federation Cup second leg khel turin Goa an pan ang. MPL champion hi Thawhlehni khan RG Stadium-ah goal awm loin Sporting Clube de Goa nen an inhnehtawk a, Fatorda Stadium-ah Pathianni hian second leg khelh a ni ang.

Federation Cup-ah hian away goal rule hman a ni a, Aizawl FC hian goal an khung a nih chuan Goan club nen an inhnehtawk a nih pawhin final an lut thei dawn. Chutihrualin goal awm loa an inhnehtawk a nih chuan extra time khelh a ni ang.

Kumin Federation Cup final hi Guwahati-ah May 21 khian khelh a ni dawn a, Aizawl FC hian hnehna an chang a nih chuan Mohun Bagan leh Shillong Lajong chak zawk an hmachhawn ang. Inelna neih mekah hian Mizo tlangval Jeje Lalpekhlua chuan goal ruk khungin top scorer a ni mek a, amah hnaih bertu Aizawl FC striker Joel Sunday-a'n goal thum a khung tawh bawk.