Dale Stephens tel loin Brighton

Premier League khel tura hmun ruak pa-khat la awm inchuhin Championship club pathumna aṭanga parukna ten playoff an khel dawn a, pathumna Brighton chuan an midfielder pawimawh Dale Stephens tel loin playoff an hmachhawn a ngai dawn.

Kum 26-a upa mid-fiel-der hi karhmasa Inrinnia Middlesbrough nen an inhmachhawn ṭumin Gaston Ramirez laka a foul avangin hnawhchhuah a ni a, hnawhchhuah a nihna hi FA hnenah ngaihtuah nawn turin thlen mah se pawm sak a nih tak lohah chuan match thum chhung Brighton tan a inlan thei dawn lo a ni.

Southampton a loan-a lo khel tawh midfielder hian playoff semifinal match hnihah Sheffield Wednesday a hmachhawn thei lo ang a, final lut pawh nise a inlan thei dawn chuang lo tihna a ni.