UCL final referee tur Clattenburg

May 28, Inrinni khian San Siro-ah Real Madrid leh Atletico Madrid ten Champions League final an khel dawn a, UEFA Referees Committee chuan English official Mark Clattenburg chu referee a nih tur thu an ti chiang.

Tunlai a referee ṭha berte zinga mi Clattenburg hi May 21, Inrinnia Manchester United leh Crystal Palace ten Wembley Stadium-a FA Cup final an khelh hunah pawh referee tur niin Euro-ah pawh a hmel kan hmu dawn tih a chiang tawh.

Kum 41-a upa Clattenburg hi 2007 aṭang khan international referee a ni ṭan a, 2012 English League Cup leh 2012 Olympics-ah te pawh khan a hmel kan lo hmu tawh a, Euro 2012-ah khan assistant-ah a lo ṭang tawh bawk.

Hetih lai hian karleh Nilai zana Liverpool leh Sevilla ten Europa League final an khelh huna referee tur chu Swedish pachal Jonas Eriksson a ni thung.