Nantes coach tur Girard

French Ligue 1 club Nantes chuan kum hnih chhung atana an coach ni turin Rene Girard an la lut. Kum 62-a upa Girard hian Michel Der Zakarian hmun ruak luahin season thar aṭangin a hna thar hi a thawk ṭan dawn a ni.

French pachal Girard hian player a nih laiin Bordeaux chu Ligue 1-ah vawi thum a lo champion tawh a, kum 1991 aṭanga team enkawl hna a tawh hnuah an ram U19, U16 leh U21 a enkawl hnuin Montpellier chu an club chanchina a vawi khat an league-ah a champion pui a, hemi hnu hian kum hnih chhung Lille a enkawl leh bawk.

Nantes hian beisei angin season an hmang ṭa lem lo a, match 37 an khelh tawh
aṭanga point 48 hmuin table-ah 12-na dinhmun an luah mek. An match hnu-hung ber atan Inrinni zan khian Paris Saint-Germain an hmachhawn ang.