Klose-a'n Lazio chhuahsan dawn

FIFA World Cup-a goal khung hnem ber Miroslav Klose chuan tun season tawp rual hian a khelh mekna Serie A club Lazio a chhuahsan dawn.

Pathianni zan hian Stadio Olimpico-ah Lazio chuan tun season an league match hnuhnung ber khel turin Fiorentina an hmachhawn dawn a, season tawp ruala a contract tawp ve tawh tur Klose tan a match hnu-hnung ber a ni tawh ang.

Kum 37-a upa Klose hian 2011 khan Bayern Munich aṭangin Lazio hi a pan a, Italian club tan hian match 139 a khelh tawh
aṭangin goal 53 khungin tun season-ah bik league-ah goal ruk a khung tawh.

World Cup-a goal 16 khung tawhtu Klose hian 2001 leh 2014 inkar khan Ger-many tan match 137 a khelh aṭangin goal 71 a khung a, ram tana goal khung hnem ber a ni nghe nghe.