Conte thlak turin Montella?

Italy manager Antonio Conte chuan Euro 2016 zawhah Chelsea a en-kawl dawn a, Juventus manager hlui Conte hmunruak luah tur hian Sampdoria manager ṭang lai Vincenzo Montella chu beisei a ni.

Roma striker hlui Montella hian kum 2018 thleng Sampdoria-ah hian contract nei mah se club neitu Massimo Ferrero leh Italian Football Federation president Carlo Tavecchio te an inhriat ṭhat avangin Sampdoria lamin buaina an siam a rinawm loh.

Italian Football Fe-deration chuan 2016 FIFA World Cup-a Italy champion puitu Marcello Lippi chu technical direc-tor atan ruat an tum niin sawi a awm bawk.