Swansea-ah Guidolin a cham dawn

Francesco Guidolin chuan Swansea City-ah kum hnih dang a hun hman chhunzawm turin contract thar a ziak. Kum 60-a upa manager hian January thla khan Welsh club hi thla ruk chhung atan a zawm a, a hna a thawh ṭhat avangin Liberty Stadium-ah a cham chhunzawm dawn ta a ni.

Udinese, Parma leh Monaco-te pawh lo enkawl tawh coach hian Swansea a enkawl tirhin Premier League club hi relegation zone-ah an awm a, season tawp a hnaih meuh chuan 11-na dinhmun luahpuiin season tharah Premier League an khelh chhunzawm dawn.

Swansea chairman Huw Jenkins chuan, "Guidolin hian a hnathawh ṭha leh ropui tak avang hian contract thar zawrh hi a phu ngawih ngawih a ni," tiin an manager hnena contract thar an zawrh chungchang a sawifiah.