Kerber hnehtu Eugenie

French Open inbuat-saih nana an hman Italian Open-ah hmeichhe player langsar ten beisei an phak lo ṭan leh nghal a, seeded pahnihna Angelique Kerber chu world number 46 Eugenie Bouchard lakah a chak lo nghal.

Rome-a clay court tennis tournament khelh mekah kum 22-a upa Bouchard hian Australian Open champion Kerber lakah hian 6-1, 5-7, 7-5 in hnehna a chang. Canada nula hian 2014 September-a Caroline Wozniacki a hneh hnuah WTA ranking-a a sang zual 10 zinga mi a hneh lehna hmasa ber a ni nghe nghe.

Inkhel dangah seeded palina Victoria Azarenka chu seeded pawh chang phak lo Irina Camelia Begu lakah 6-3, 6-2 in a lo chak lo ve bawk. Nikum semifinalist Daria Gavrilova pawhin 6-3, 4-6, 6-3 in Simona Halep a lo hneh ve bawk a ni.