Chanmari West hnehin TNT an thochhuak

Nilaini zan khan Deng-ṭhuama Indoor Stadium, Mualpuiah Zothan Auto Works Pro-Volleyball League inkhel pakhat a awm a, TNT chuan Chanmari West SC lakah 3-0 (straight set) a hnehna changin final luh beiseina an nei ve leh ta.

TNT hian an match hmasa zawkah Hunthar VC an hneh loh avangin final lut tur chuan chak loh nawn a thiang tawh lo a, inkhel inhnehtawk takah a vannei zawka
ṭangin 22-25, 25-22, 25-9, 25-23 in hnehna an chang. TNT thiampuipa Laldensanga chu Man of the match atan thlan a ni. TNT hian an match thum nan karleh Nilaini hian Hmingi VC an hmachhawn leh ang.

Match hnih an khelh tawh aṭangin TNT hian point thum hmuin league table-ah pathumna dinhmun an rawn luah a, chak lo zawk Chanmari West erawhin point khat chauh la hmuin a hniam ber dawtah an awm thung.

Zanin dar 8:00 hian a hmun ngaiah inkhel pakhat a awm leh dawn a, Anastasia VC, Electric Veng leh Hmingi VC te an inhmachhawn bawk ang.