Manager of the Month-ah Ranieri

Leicester City-in Premier League nomawi an chawi hnuah manager Claudio Ranieri-a no-mawi hunna dawhkan a awl hman meuh lo - April thla chhunga Premier League manager of the month-ah thlan a ni leh ta.

Chelsea manager hlui hian April thla chhungin Foxes hi a tlawmpui miah lo a, match li inkhel an hmachhawnah vawi thum hnehna chanpuiin vawi khat an khingpui an inhnehtawkpui thung a, tun season chhunga manager of the month dinhmun a luah vawi thumna a ni.

Italian manager of the year-a thlan hlim Ranieri hi Premier League-a Ita--lian manager of the month ni ngun ber a ni bawk a, Chelsea-a enkawl laia vawi hnih he chawimawina hi a lo dawn tawh avangin Premier League-ah manager of the month vawi nga a ni thei.

Hetihlai hian Manches-ter City striker Sergio Aguero chu player of the month chawimawina pek a ni a, Argentine striker hian April thla chhunga league match nga a khelhah goal sarih a khung a ni.