Benitez châm ring lotu Shearer

Premier League aṭanga tla hlim Newcastle Uni-ted captain hlui Alan Shearer chuan an manager Rafael Benitez chu St. James' Park-ah a cham a beisei loh thu sawiin, Spanish manager chuan Magpies a enkawl chhunzawm a nih phawt chuan a hlim hle tur thu a sawi.

English striker ropui
ṭhin chuan, "Coach ropui tak, khawvel huap pawha hriat hlawh leh zah em em a ni a, a tawnhriat leh a sulhnu ngaihtuahin Cham-pionship club enkawl tur chi a ni lo. Ka ngaihdan hi a dik lo a nih chuan ka lawm khawp ang," tiin Benitez chu an hnena cham tura a duh rualin a beisei ngam lo.

Newcastle tan season 10-a khelh chhunga goal 206 khungtu Shearer chuan, "Newcastle hi club lian tak kan ni tih phat rual a ni lo, mah se Benitez hian Premier League club dang mai bakah khawvel hmun hrang hrang
aṭangin sawmtu a ngah ang tih ka chiang a ni," tiin a sawi bawk.