La Liga tuarna hmanga infuihtu Juanfran

Atletico Madrid-in German champion Ba-yern Munich hneha Champions League final an luh hnuah Levante an hneh loh avangin La Liga champion beiseina a tawp.

Spanish right back Juanfran chuan, "Levante laka kan chak loh khan a na em em a, chu chu thil awm dan chu a ni. Kan club hian chak kan duh a, tun season a kan khelh dan thlir let chuan kan thawhrimna in hmu tel ang," tiin an chak loh vanga pawi a tih thu a sawi.

Kum 31-a upa Juan-fran chuan sawi zelin, "Hun hrehawm tak kan tawn hian a aia ṭha zawkin kan tho leh ṭhin. Tun ṭum pawh hi chutiang zinga chhiar tel tur chu a ni ang. Lisbon-ah Real Madrid hi kan hneh tawh lo a, tun
ṭumah erawh kan theihna anga kan khelh chhuah chuan kan chak theih ngei ka ring," tiin an chak lohna chu infuihna atana hman an tum thu a sawi.