Wolfsburg midfielder Draxler a dam

Thla khat chhung tihrawl na vanga a chawlh hnuin Julian Draxler chu Wolfsburg tan a rawn kir dawn a, Ger-many tan thu lawmawm a ni.

Wolfsburg midfielder Draxler chuan, "Team training zawng zawng harsatna nei loin ka ti ve vek thei a, European Championship-ah chuan ka ṭhat theih dan bera ka khelh chhuah leh theih tawh dawn avangin Inrinnia Germany squad puan hunah hian ka tel ngei ka ring," tiin a dam ṭhat tawh thu a sawi.

Kum 22-a upa Draxler chuan sawi zelin, "Ka inhliam tirh khan Germany coach Joachim Low khan pawi a ti em em a, kar tinin ka dinhmun hriat a duh. Tunah chuan chanchin ṭha hrilh tur ka nei tawh a, amah pawh a lawm viauin ka hria," tiin Germany coach-in a ngaihven thu a sawi.

Geman midfielder hi Real Madrid nen April 12-a Champions League semi-final second leg an khelh ṭumin a bai chhuak a, Inrinni zana Stuttgart nen an inkhelh hunah a inlan theih beisei a ni. Germany-in Borussia Dortmund midfielder Ilkay Gun-dogan an chan tawh a, Manchester United midfielder Bastian Schweinsteiger din-hmun a chian loh bakah rin ngam a harsat dawn avangin Draxler hi FIFA World Cup champion hian an mamawh hle.

Joachim Low hote hi Euro 2016-ah Nothern Ireland, Poland leh Ukraine te nen Group C-ah an awm.