A thiam pariat zingah Federer tel ve lo

Italian Open khelh mek-ah player langsar Andy Murray, Novak Djokovic leh Rafael Nadal te chuan quarterfinal an luh laiin Roger Federer erawhin third round a paltlang zo ve lo.

Rome-a inkhelah Swiss thiampuipa hi a hliam dam hnuah ngai a la awh chiah lo tih a lang a, a game hmasa zawkah hnehna chang mah se world number 15 Dominic Thiem lakah unforced errors vawi 34 ngawt neiin 7-6, 6-4 in a chak lo a ni.

Grand Slam vawi 17 champion tawh Federer chuan, "Hun ṭha ka hmuh ve ṭumah pawh ka tlan ṭhat theih loh avangin ka che fuh thei lo. Karleh aṭang chuan 100%-in practise ka nei thei leh tawh ang a, beiseina thar nen hmalam ka thlir leh tawh ang," tiin a sawi.

World number 1 Djo-kovic-a'n inkhel bul a ṭan ṭha lo a, set khatnaah game khat mah la lo mah se 0-6, 6-3, 6-2 in hnehna a chang. World number 2 Murray chuan 6-0, 6-4 in Jeremy Chardy a lo hneh ve bawk a, karleha ATP ranking chhuak thar turah Federer lehpelin number 2 dinhmun a luah leh ang.

French Open cham-pion vawi kua lo ni tawh Nadal pawhin 7-6, 6-2, 6-4 in Australian rawl-thar Nick Kyrgios lakah hnehna a chang. Kar-hmasa Madrid Open-a lo intawng tawh Nadal leh Djokovic te hi nizan khan qarterfinal-ah an intawng leh a, result kan hre hman lo.