Belgium captain tur Hazard

Euro 2016 a hnai tawh a, ram hrang hrangin squad an puang chho mek. Champion tura rinkai zinga mi Belgium pawhin an ram aiawh tur an puang ta. Marc Wilmots-a'n player 24 hming a tarlan zingah hliam vangin Vincent Kompany a tel ve theih loh avangin Eden Hazard chu captain tur a ni.

Manchester United forward Adnan Januzaj leh Anderlecht midfielder Steven Defour te chu koh loh langsar zinga mi niin Tottenham midfielder Nacer Chadli chu standby zingah a tel thung.

Belgium coach Wil-mots chuan, "Kompany hi kan hotupa a nih avangin a inhliam hi ama tan bakah ram tan channa nasa tak a ni a, Manchester City tan a inkhelh leh thuai theih nan duhsakna kan hlan. Ani a awm loh avanga lungngaia indawmkun ngawt tur erawh kan ni lo a, hmalam kan thlir zawk tur a ni," tiin a sawi.

FIFA world number 2 Belgium hian Hazard bakah hian Premier Lea-gue player langsar tak tak Thibaut Courtois, Marouane Fellaini, Kevin De Bruyne, Christian Ben-teke, Divock Origi, Mou-sa Dembele leh Ro-me-lu Lukaku te an kawl bawk.

Belgium hi Group E-ah Italy, Sweden leh Republic of Ireland te nen an awm ho a, an match hmasa ber atan June 13 khian Azzurri nen an inhmachhawn ang.

Belgium squad

Goalkeepers: Thibaut Courtois (Chelsea), Jean-Francois Gillet (Mechelen), Simon Mignolet (Liverpool).

Defenders: Toby Alderweireld (Totten-ham), Dedryck Boyata (Celtic), Jason Denayer (Galata-saray), Bjorn Engels (Club Brugge), Nicolas Lombaerts (Zenit), Jordan Lukaku (Oostende), Thomas Meunier (Club Brugge), Thomas Vermaelen (Barcelona), Jan Vertonghen (Tottenham).

Midfielders: Marouane Fellaini (Man Utd), Radja Nainggolan (Roma), Axel Witsel (Zenit), Kevin De Bruyne (Manchester City), Eden Hazard (Chelsea).

Forwards: Moussa Dembele (Totten-ham), Michy Batshuayi (Marseille), Christian Benteke (Liverpool), Yannick Carrasco (Atletico), Romelu Lukaku (Everton), Dries Mertens (Napoli), Divock Origi (Liverpool).