Tottenham-a cham tur Pochettino

Tun season Premier League-a champion hial inbeisei hman Tottenham manager Mauricio Pochettino chuan White Hart Lane-ah kum 2021 thleng cham turin contract thar a ziak.

Kum 44-a upa manager hian May 2014 khan Spurs hi kum nga chhung enkawl turin a zawm a, a season hmasa berah Tottenham hi pangana dinhmun luah puiin League Cup final a hruai thleng bawk.

Premier League match khat chiah khelh tur awm chunga pathumna dinhmuna Spurs hlangkai chiang tawh manager chuan, "Hei hi kan bul
ṭanna chauh a nih kan beisei a ni," tiin Tottenham-ah chuan hmathlir thui zawk an neih thu a sawi.

Player-a nih laia Paris St-Germain tan pawha lo khel tawh manager hi tun kar tir lam khan Sir Alex Ferguson nen chaw hlui an kil dun lai hmuh a nih avangin Manchester United nen sawi zawm ni hman mah se Tottenham-ah kan hmuh chhunzawm zel dawn ta thung a ni.