NBA Conference Semifinals Warriors hmachhawn tur Thunder

NBA Western Conference Final khel tur a hriat theih ta. Nimin zing khan Con-ference Semifinal Game 6 khelh niin Oklahoma City Thunder chuan San Antonio Spurs lakah 113-99 in hnehna an chang. Thunder hian series-ah 4-2 a hnehna changin Conference Final-ah Golden State Warriors an hmachhawn ang.

Chesapeake Energy Arena, Okla-homa City-a inkehlah Oklahoma City tan point 37 score tu Kevin Durant leh point 28 score thei Russell Westbrook an langsar a, inkhel ṭantirh aṭanga hmahruai nghalin a tawpa team pahnih inthlauhna hi point 14 lai a ni.

Western Conference Final hi best of seven series-a khelh tur niin karleh Thawhlehni zing dar 6:30-ah Thunder leh Warriors hian Game 1 an khel ang.

Eastern Conference lamah Cleveland Cavaliers chuan Conference Final an lut ve tawh bawk a, Cavaliers hian Toronto Raptors leh Miami Heat inkhela chak zawk zawk an hmachhawn leh ang. Western Conference leh Eastern Conference Finals a hnehna changtu te hian NBA Finals an khelh chhunzawm leh dawn a ni.

Inkhel Thlirna Tawi

Thunder 92 - 124 Spurs

Thunder 98 - 97 Spurs

Spurs 100 - 96 Thunder

Spurs 97 - 111 Thunder

Thunder 95 - 91 Spurs

Spurs 99 - 113 Thunder

Oklahoma City Thunder wins series 4-2