Dortmund player thar Dembele

Borussia Dortmund chuan Ren-nes aṭangin Ousmane Dembele an la lut a, kum 18-a upa forward man zata German club insen zat hi puanzar a ni lo.

France Under-21 international hian tun season Ligue 1-ah goal 12 khungin assist vawi nga a nei a, English club Liverpool leh Tottenham nen sawizawm ni mah se Signal Iduna Park-ah kum nga cham turin contract a ziak ta zawk a ni.

Ligue 1 young player of the year-a an thlan Dembelel chuan Dortmund a zawm thei chu a hlim takzet thu sawiin Champions League-a inlan thuai thuai a chak thu a sawi bawk.

Dortmund sporting director Mi-chael Zorc chuan, "A ke pahnih hmang thiam, ball thiam tak, che rang leh goal khung tuma fing taka che ṭhin mi a ni," tiin an player lei thar chungchang a sawi.