Hyderabad hnehtu Delhi Daredevils

Ningani zan Indian Premier League inkhelah Delhi Daredevils chuan wicket 7-in Sunrisers Hyderabad an hneh a, IPL a hmuhnawm zel.

Rajiv Gandhi Inter-national Stadium, Hy-de-ra-bad-a inkhelah mual-neitu an bat hmasa zawk a, Batsman lansarh loh zanah captain David Warner chuan run 46 siamin Hyderabad tan run siam hnem ber a ni. Sunrisers hian over 20-ah run 146 tlin hramin mi pariat an hloh a, Delhi tan an target hi um a huphurhawm loh.

Daredevils-in over 18.1 lekah an target um-phain run 150 an siam a, mi pathum chiah an hloh. Delhi tan Quinton de Kock-a'n run 44-a inkhel bul a ṭan hnuah Sanju Samson (34 runs, 26 balls not out) leh Rishabh Pant (39 runs, 26 balls not out)-ten an pui ṭha a, mikhual team a chak zawkah an
ṭang ta a ni.

Vawiin IPL-ah in-khel pahnih a awm dawn a, tlai dar 4:00-ah Royal Challengers Bangalore leh Gujarat Lions inhmachhawnin zan dar 8:00-ah Kolkata Knight Riders leh Rising Pune Supergiants an in-hmachhawn ang.