Poland squad-ah Lewandowski a langsar

Poland coach Adam Nawalk chuan player 23 thlang chhuak mai loin player 28 a thlang phawt a, tlarhma lamah qualifying-a goal 13 khungtu Bayern Munich striker Robert Lewandowski a langsar hle.

Poland hian goalkeeper an nei ṭha a, pali zinga pathum Artur Boruc (Bournemouth), Lukasz Fabianski (Swansea City) leh Wojciech Szczesny (Roma) te hming chher tawh mah se starting eleven-ah chuan pakhat tan chauh hmun a awm.

Koh loh zingah Lukasz Szukala leh Sebastian Mila an tel lo a, Lechia Gdansk midfielder Mila-a'n October 2014 khan Germany lamah goal pawimawh a khung a, hemi hnu hian a khelṭha chhunzawm lo. Defender Szukala erawh qualifying-ah inlan char char mah se Turkish club Osmanslispor tan a khelh phak loh avangin koh a ni lo.

Poland coach Nawalk chuan, "Player-te hi club leh ram tana an khelh dan uluk takin ka thlir a, thutlukna
ṭha tak ka siamah ka ngai. Kan hmaah chona lian tak a awm a, uluk takin kan inbuatsaih ang," tiin a sawi.

Euro 2016 inpuahchah nan Poland hian friendly match-ah Netherlands (June 1) leh Lithuania (June 6) te an hmachhawn ang.

Group C Poland fixtures

12/06: Poland v Northern Ireland (Nice)

16/06: Germany v Poland (Saint-Denis)

21/06: Ukraine v Poland (Marseille)