Anastasia VC an hmuhnawm

Zothan Auto Works Pro-Volleyball League chu khelh chhunzawm zel a ni a, Ningani zan khan Anastasia VC, Electric Veng chuan Hmingi VC, Maubawk lakah hnehna changin league table-ah pahnihna dinhmun an luah ta.

Dengṭhuama Indoor Stadium, Mualpuia inkhelah Anastasia hian in-khel bul
ṭan aṭanga a tawp thlengin team ṭha zawk an nih zia an lantir a, awlsam tak 25-19, 25-17, 31-29 in hnehna an chang. Anastasia player Shiva Singh chu man of the match atan thlan a ni.

League match hnih khelh tawh
aṭangin Hunthar leh Anastasia te hi an point, set won leh set loss pawh a intluk vek. Mahse, Hunthar hian a pumpuiah point 186 hmuin point 166 an hloh a, an point difference chu 20 a ni. Anastasia hian point 206 hmuin point 193 an hloh tawh thung a, an point difference chu 7 a ni thung. Heivang hian point difference nei ṭha zawk Hunthar hi table hmahruaitu an ni.

Karleh Thawhlehni zan dar 8:00 hian a hmun ngaiah khelh chhunzawm leh a ni dawn a, Anastasia VC leh 3rd Bn MAP te an inhmachhawn ve leh ang.