Austria squad-ah Lazaro

Austria coach Marcel Koller chuan player 24 awmna squad a puanah kum 20-a upa FC Red Bull Salzburg midfielder Valentino Lazaro a telh.

Salzburg midfielder Lazaro hian ram tan age category hrang hrang a khel tawh a, senior team-ah vawi li zet a khel tawh bawk. Austrian Bundesliga-ah kum 16 leh ni 224 leka a upa a nih laiin a khel ṭan a, tun thlengin Austrian league-a inlan thei naupang ber record kawltu a ni.

Tun hnaiah Lazaro hi national U21 tan inlan tam zawk mah se Salzburg tana a chetṭhat avangin koh a ni. Austria hi Bayern Munich defender ṭha David Alaba te ram niin Euro 2016-ah Hungary, Portugal leh Iceland te nen Group F-ah an awm.