Zarkawt leh Chhinga Veng an chak

Mapuia Memorial Mizoram Cricket League (MCL) chu nimin khan khelh chhunzawm a ni a, match hmasa lama chak tawh Chhinga Veng an chak nawn, inkhel dangah Zarkawt Lords chuan Kulikawn chu run 7-in an hneh ve bawk.

Suaka Cricket Ground, Sihhmuia inkhel hmasa zawkah Zarkawt tan F. Vanlalmuanzuala (44 runs), H. Lalbiakhlua (32) leh run 28 siamtu Lalhmangaiha ten an chak theih an an thawhhlawk hle.

Inkhel hnuhnung zawkah Chhinga Veng tan harsatna lian tham a thleng lo. Jehu Anderson chuan run 56 siamin thlawptu a nei ṭha bawk a, over 17.3-ah wicket thum chauh hlauh chungin an target an khum.