Delhi-in Lucknow an tlakpui?

IPL a ngaihnawm chho zel. Thawhlehni zan khan Delhi Capitals-in beiseina sang tak la nei Lucknow Super Giants chu 19 runs-in an hneh. Team pahnih hian beisei tur tlem la nei mah se an NRR a chhiat avangin an tlak ve ve tho a rinawm zawk.

Arun Jaitley Stadium-ah Lucknow-in vawm hmasak an thlang. Delhi opener Jake Fraser McGurk-a'n run khatmah siam lo mah se batter dang an che ṭha rual. Abishek Porei (58), Tristan Stubbs (57*), Shai Hope (38) leh Rishabh Pant (33) te zarah 208/4 runs an tlin.

Super Giants tan target sang mah se umphak theih a ni a, top order-te chet ṭhat loh avangin engkim a harsa. Nicholas Pooran-a'n ball 27 lekah 61 runs a rawn siam a, Arshad Khan-a'n thi loin ball 33-ah 58 runs a siam bawk.

Over hnih la awmin 29 runs siam a ngai a, thil theih ni mah se Lucknow-in bul an ṭan ṭhat loh ang thoin a tawp an khar ṭha tawk lo. Over 20-ah Super Giants-in 189/9 runs an siam a, Delhi 19 runs-in an chak.