FA Cup hmeichhe champion Arsenal

16th May, 2016

Arsenal mipa ten nomawi chawi thei lo mah se an hmeichhe lamin FA Cup an chawi thung. Gunners hmeichhiate hian Inrinni zan khan champion lai Chelsea 1-0 a hnehin a vawi 14 nan champion nomawi an chawi.

Wembley Stadium-a mipui 32,912 pungkhawm hmaa inkhelah Arsenal forward Danielle Carter-i chuan minute 18-naah he inkhela goal awmchhun hi a khung.

Arsenal leh Chelsea hmeichhia te hi an inkhel tawk hle a, Blues tan Fran Kirby leh Ji So-Yun te chuan hun ṭha an neih an hmang
ṭangkai thei lo a, Gunners hian goal zawna vawi nga an pet aṭanga vawi khat lut chu an chak pui ta a ni.

Arsenal captain Kelly Smith chuan, "Inkhel
ṭan tirh aṭanga hamrik hnuhnung ber a rik thleng khan kan khel ṭha tluan parh a, nomawi kan kawl reng tawh ṭhin kan chawi let leh thei hi kan lawm takzet a ni," tiin a sawi.