Mizoramah AFC Grassroots Day hmang

Asian Football Confederation Grassroots Day chu May 14, Inrinni khan Mizoram hmun hrang hrangah lawm a ni a, a lawmna pui ber chu Lammualah neih a ni.

Grassroots Day hi May 15 a ni a, Pathianni a nih avangin Mizoramah chuan Inrinniah neih a ni. Grassroots naupangin nitina an zir ṭhin, technical drills hrang hrang an entir a, hun hlimawm tak an hmang bawk.

Mizoram Football Association leh AIFF Grassroots hi 2012 aṭang khan Mizoramah ṭan a ni a, India rama Grassroots Programme kalpui hmasakna ber a ni.

Mizoram chuan kum 2013 khan AIFF Best Grassroots Development Programme Award a dawng tawh a, hei hi India rama a hmasa ber a ni bawk. Tunah hian Mizoram chhungah Grassroots naupang 500 velin programme an kalpui mek a, naupang 1600 velin he programme hi an chhim tawh bawk.

Grassroots Programme hi Champhai, Lunglei, Lawngtlai, Saiha, Kolasib, Khawzawl leh Hnahthialah nung taka kalpui mek a ni a, Serchhip leh Mamitah pawh chhunzawm tum mek a ni bawk.

Lammuala Grassroots Day hmanna hi MFA Tresurer Tui-khuahthanga bakah MFA hruaitute'n an ṭawi-awm a; MFA Grassroots hi UD&PA hnuaia Swachh Bharat Mission chuan a sponsor a, faina kawnga inzirtirna neih ṭhin a ni.