Pele record khumtu Alves

Barcelona right back Dani Alves chuan Inrinni zan khan La Liga title parukna a la a, Brazilian right back hian a career-ah nomawi lian tham 30 a lakna a ni chiah bawk.

Kum 33-a upa Dani Alves hian nomawi lak kawngah Pele record a khum a, Brazil legend Pele khan a inkhelh hun laiin nomawi 29 a chawi. Alves hian Barcelona-in Granada an hneh ṭumin Luis Suarez-a goal khung tur a siam sak a, La Liga-ah vawi 100 assist a neihna chiah a ni.

La Liga-ah hian Alves aia assist ngah chu Lionel Messi leh Luis Figo te chiah an awm.