Magpies-ah Benitez cham mai thei

Rafael Benitez chuan season thara Championship khel tur Newcastle United-ah a cham mai theih thu a sawi a, Magpies fan-te tan chuan hei hi thu lawm-awm a ni.

Kum 56-a upa manager hian March thla khan Steve McClaren thlakin Newcastle hi a enkawl
ṭan a, league match kua a en-kawlah vawi hnih hneh-na chanpuiin Premier League-ah a in hamtan pui zo lo.

Spanish manager chuan, "Magpies hotute nen kan inbia a, inbiakna kan nei a nih chuan St. James Park-a ka awm zel chance hi a awm a ni tihna a ni. Thutlukna siam turin hun rei tak nghah a ngai lo ang," a ti.

Liverpool boss hlui hian Newcastle a enkawl ṭan tirhin league table-ah 19-na an ni a, match kuaah point sawm hmuh puiin che chhe hran lo mah se a hun neih a tlem avangin a duh ang hna a thawk hman lo.

Newcastle legend Alan Shearer chuan Beni-tez hi cham tura a duh thu sawiin beisei ngam erawh thil har tak a nih thu a lo sawi tawh a, tunah chuan England striker hlui duhna hi a hlawhtling lo ang tih a sawi theih ta loh.