FIFA audit committee president a bang

Khawvel huap football thuneitu sang ber FIFA head of auditing and compliance Domenico Scala chuan a hna aṭangin banna a thehlut a, Scala banna hian eiruk thubuai vanga hmingchhe mek FIFA lakah zawhna tam tak a siam nghal.

Tun hnaiah FIFA chuan executive committee aiawh turin FIFA council hnenah thuneihna a pe a, council hian committee peng hrang hranga member leh hotute chungah thuneihna neiin hei hi Scala chuan a dodal a, a ban phah dawn ta a ni.

Scala chuan FIFA chuan an zalenna a chhuhsak thu leh FIFA chhungkua eirukna thubuai zalen taka chhui a har tawh tur thu a sawi a, FIFA chuan Scala thuchhuak chu ṭan chhan mumal nei loa an ngaih thu an puang thung.

Domenico Scala hi FIFA preisdent hlui Sepp Blatter leh UEFA president hlui Michel Platini eiruk thubuai chungchang hlawhltling taka chhuitu a ni a, Scala banna hian FIFA president thar Gianni Infantino hmalakna kawngah a ṭha zawng aiin a chhe zawnga nghawng a neih tam zawk rin a ni.