Pro-Volleyball Hunthar dang thei an awm rih lo

Zothan Autoworks Pro-Volleyball League hmahruaitu Hunthar Volleyball Club chuan match thum an khelh tawhah hneh loh an la tawng lo. Zirtawpni zan khan Chanmari West lakah 3-2 a hnehna changhin point sarih an hlawhchhuak ta a, league table hmahruaitu an nih chhunzawm zel.

Dengṭhuama Indoor Satdium, Mualpuia inkhelah Hunthar tan National Sub Junior-ah pawh lo khel tawh Vanlalpeka bakah Lalbiakmuana leh captain Hruaitluanga te chet ṭhat ni a nih avangin chak mamawh Chanmari West aiin hun pawimawhah an che fuh hmasa zawk zel a, inkhel inhnehtawk takah 25-18, 16-25, 15-25, 25-10, 15-10 in hnehna an chang a ni.

Thawhlehni zan dar 8:00 hian a hmun ngaiah khelh chhunzawm a ni leh dawn a, Anastasia VC, Electric Veng leh 3rd Bn MAP te an inhmachhawn ve leh ang.