Gotze leh Ancelotti an inbia

Season tharah Bayern Munich-in coach thar Carlo Ancelotti an nei dawn a, Italian manager nen hian a hmalam hun chungchangah inbiakna an neih thu Mario Gotze chuan a sawi.

Liverpool leh Borus-sia Dortmund nena sawi zawm hlawh mek Gotze hi Ancelotti chuan Allianz Arena-a hmun a chan chian tur thu a tiam thei lo tih a hrilh niin an sawi a, Gotze chuan hei hi a pha thung.

Kum 23-a upa mid-fielder chuan, "Ancelotti nen kan inbe ngei a, mah se phone-a inbia kan nih avangin engtinnge kan inbiakna chungchang hi min an lo sawi mai theih ka hre lo. Inbiak satliah a ni a, a bak thildang sawi kan nei lo," a ti.

Tun season league match 14-a inlana goal thum khungtu chuan sawi chhunzawmin, "Bundesliga-ah cham-pion-in ka league nomawi pa-ngana ka chawi a, ka hlim em em a ni. German Cup final khelh tur kan la nei a, chu chiah chu ka rilruah a awm rih," tiin a hmalam hun a sawi duh lo.