Heat chak ve leh ta

NBA Eastern Conference Final lut turin hmunruak pakhat a la awm a, Inrinni khan Miami Heat chuan Toronto Raptors lakah 103-91 a hnehna changin series-ah 3-3 chiah a ni.

American Airlines Arena-ah mipui 19,757 an pungkhawm a, Raptors tan final lut turin hnehna chan chiah a tawk. Mahse, Heat lamin thapui thawhin Goran Dragic-a point 30 leh Dwyane Wade point 22 score hmangin hnehna an chang. Tukin zing khan Game 7 khelh a ni a, Heat leh Raptors chak zawk hian Cleveland Cavaliers an hmachhawn ve leh dawn a ni.

Western Conference lam aṭangin Golden State Warriors leh Oklahoma City Thunder ten Final an lut tawh bawk a, Conference Final pahniha hnehna changtute hian NBA Finals an khel leh dawn a ni.