Mohammedan an vannei

Hero I League quali-fier chu nimin khan khelh ṭan a ni a, Kolkata club hlun Bhawanipore leh Mohammedan SC ten hnehna an chang ve ve - Bhawanipore hian Bengaluru United chu 2-0 in an hneh a, Mohammedan hian Garhwal chu 1-0 in an hneh thung. 

Mohammedan-in hnehna chang turin hun pek belh nghah thlen an mamawh a, Mumbai City defender hlui Munmun Lugun chuan hun pek belh minute thumnaah he inkhela goal awmchhun hi a khung.

Striker hlawh hnem Willis Plaza chuan Moha-mmedan tan penalty hmanga chakna goal khungna hun remchang nei mah se a khung thei lo a, a tawpah defender hmangin chhanhimin an awm. 

Kolkata club tan Vanlalbiaa Chhangte chu inkhel bul ṭantu zingah a tel a, Hriangtlang tlangval hi minute 46-naah lakchhuah a ni thung. 

Mohun Bagan boss hlui Sankarlal Chakra-borty enkawlna hnuaiah Bhawanipore-in hnehna an chang a, Bagan striker hlui Pankaj Moula leh season hmasaa Neroca tana khel striker Philip Adjah-ten goal khat ve ve an khung.