Vawiinah D Licence vawi 3-na

Tukin zing hian Rajiv Gandhi Stadium, Mualpuiah SYS department director Zothanmawia'n Mizoram chhunga AIFF D License Coaching Course vawi thumna a hawng dawn.

Nikum July thla khan Shillong Lajong assistant coach Alison Kharsyntiew hnuaiah AIFF D Licence Course hmasa ber chu neih a ni a, training mi 30 zingah 16 an pass. MFA hmalaknain Mizoram Premier League-a Ramhlun North hruai thlengtu coach Lalruatliana Sailo (Tawia)-in AIFF D Licence Instructors Course a paltlang tawh a, AIFF D License Coaching Course buatsaih a awlsam sawt tawh.

April thla tawp khan instructor Tawia kaihhruaina hnuaiah AIFF D License Coaching Course hi neih a lo ni tawh a, tun ṭumah pawh hian Mizo zinga AIFF D Licence Instructor hmasa ber leh awm chhun Tawia hnuaiah coaching course hi neih a ni ang.

AIFF D Licence Course vawi 3-naah hian football coach 30 ten vawiin aṭangin training an nei ṭan dawn a, May 20 thleng a awh ang.