Minute 19 chhunga hattrick siamtu Grosicki

Nilaini zan interna-tional friendly match-ah West Brom winger  Kamil Grosicki chuan Poland tan hattrick a siam a, Finland chu 5-1 in an sawp. 

Kum 32 mi Grosicki hian minute kuanaah goal a khung ṭan a, minute 38-naah a goal thumna a khung fel der - minute 19 chhungin hattrick a siam tihna a ni. 

Poland tan hian Krzysztof Piatek leh Arkadiusz Milik chuan goal khat ve ve an khung bawk a, Finland tana Ilmari Niskanen goal khung chu mualpho zualpui khuhna chauh an chang. 

Kum 32 mi Robert Lewandowski chu Finland nena inkhel Poland squad-ah a awm lo a, Bayern Munich striker hian ram tan match 112-ah goal 61 khung tawhin Poland tan ani aia khung hnem an la awm lo. 

Poland hian Pathianni zan dar 12:15-ah Italy chu Nations League-ah an mikhual dawn a, Finland hian Pathianni zan dar 9:30-ah Nations League vek khel turin Bulgaria an mikhual bawk ang.