MAM-in player pasarih thlang chhuak

Muaythai thuneitu sang ber International Federation of Muaythai Associations (IFMA) chuan 2020 IFMA Virtual Championship a buatsaih dawn a, he huna India aiawh tur hi thlan a ni dawn a, India aiawh tur thlannaah Mizo pasarih an tel dawn.

India aiawh tur thlanna hmachhawn tur hian Mizo player 40 an inlan a, an zinga pasarih chu Muaythai Association of Mizoram chuan a lo thlang chhuak. Thlan chhuahte hi India aiawhin an kal nghal dawn tihna a la ni lo, midang nen buk an la ni leh ang.

Virtual champ-ionship-ah hian intih-siakna chi hrang pali - Wai Kru, Shadow Box, Max Fit leh Aero Fit-ah te inelna a awm dawn a, kum bithliah hrang hrangah junior leh senior level inelna a awm ang.