Conference Semifinals Cavaliers hmachhawn turin Toronto an tling

NBA Eastern Conference Semifinals khelh zawh a ni ta a, nimin zinga Game 7 inkhelah Toronto Raptors chuan Miami Heat lakah 116 - 89 a hnehna changin a vawi khat nan Conference Finals an lut a, Nilaini zing dar 6:00-ah LeBron James a khelhna Cleveland Cavaliers nen Game 1 an khel ang.

Air Canada Centre-a inkhelah Kyle Lowry chuan point 35 score-in DeMar DeRozan chuan point 28 a score bawk a, inkhel bul
ṭan aṭanga a tawp thlenga hma-hruaitu niin series-ah 4 - 3 in hnehna an chang a ni.

Raptors coach Dwane Casey chuan, "Kyle leh De-Mar te lakah hi chuan ka hlauthawng ngai lo, a chhan chu mamawh hunah hian ṭha takin an rawn khel chhuak thei ṭhin tih ka hriat vang a ni," tiin a team tana point score hnemtu pahnih chungchang a sawi.

Thawhlehni zing 6:30-ah Western Conference Final khelh ṭan a ni dawn a, best of seven seris-a khelh tur niin Golden State Warriors leh Oklahoma City Thunder an inhmachhawn ang a, Western Conference leh Eastern Conference Finals a chak zawk ve ve hi NBA Finals-ah an inhmachhawn leh dawn a ni.

Inkhel Thlirna Tawi

Game 1 Heat 102 - 96 Raptors (OT)

Game 2 Heat 92 - 96 Raptors (OT)

Game 3 Raptors 95 - 91 Heat

Game 4 Raptors 87 - 94 Heat (OT)

Game 5 Heat 91 - 99 Raptors

Game 6 Raptors 91 - 103 Heat

Game 7 Heat 89 - 116 Raptors

(Toronto win series 4–3)