Pro-Volleyball Anastasia vs 3rd Bn MAP

Zanin dar 8:00 hian Dengṭhuama Indoor Sta-dium, Mualpuiah Zothan Autoworks Pro-Volleyball League chu khelh chhun-zawm leh a ni dawn a, Anastasia VC, Electric Veng leh 3rd Bn MAP te an inhmachhawn ang.

League match vawi hnih khelh tawh aṭangin Anastasia VC hian point nga hmuin table-ah Hunthar VC chiah tluk loh an nei a, 3rd Bn MAP hian point li neiin pathumna dinhmun an luah thung. Zaninah Anastasia hian an dinhmun sawhngheh theihna hun an neih laiin MAP lam hian final lut tura pahnihna dinhmun luah theihna hun an neih thung avangin inkhel pawimawh tak a ni dawn.